Funny story behind the Kharota & Indrunaag Temple :)

Kharota/Indrunag Temple

Kharota, Dharamshala, Himachal Pradesh || 8th July, 2018 ||

Hello Friends mera naam Hai Ravi aur aaj ke is blog main hum Kharota video ke piche ki funny story Janege. Kharota ka naam maine kabhi nhi suna tha. Mujhe meri classmate (Pooja) ne bataya ki Aghanjar Mahdev ke pass ek Khatora naam ki jagah hai aur tum wahan jaroor ja ke aana. Jab se maine es jagah ke bare main suna tha usi time se maine ye soch liya tha ki ek din Himachal Darshan ke Youtube Channel par yahan ka video upload karunga. Phir kya tha maine July 2018 main apne ek friend Vishal ko phone lgaya ki Kharota chalna hai. Wo mere saath jane ko tyar ho gya. Vishal ke ghar se Kharota ka distance 31 km hai, wo daulatpur (Kangra) main rehta hai. Wahan se aage ka safar hum ne Bike par karne ka decision liya. Kangra se hi maine video ki shooting start kar di, roadside view bhi bahut shandar tha. Kangra se Fatehpur aur Aghanjar Mahdev hote hue 1 hour ke baad hum Kharota pahunch gye. Dhauladhar ki khoobsoorat wadiyon main ye bahut sundar jagah hai. Har taraf hariyali thi, badal mountains se baatein kar rahe the. Maine wahan ka sundar nazara apne mobile main kaid kar liya. Aur sath main wahan par Saloti Mata ka Mandir ka video bhi shoot kiya. Main bahut khush tha ki bahut ache videos shoot ho gye hain. 1 hour tak rukne ke baat hum Indrunag Mandir ke liye rawana ho gye. Wo bhi bahut shandar mandir hai. Wahan bhi humne ache-2 shot liye aur Mandir main matha teka. Maine wahan ke 5 videos shoot kiye aur socha ki next 10 days ke liye kam ho gya. Phir wahan se hum wapis ghar ko aa gye. Raat ko ghar aake maine socha ki kisi ek video ki editing start kar leta hoon. Jaise hi maine first video open kiya too dekh kar hairan ho gya ki mera shoot kiya hua video bahut jyada shake kar raha tha. Phir maine sabhi videos check kiye, sabhi main same problem thi, sari mehnat bekar ho chuki thi. Bahut afsoos hua ki wo mausam wo nazara ab dobara shoot nhi hoga. Par hum ne himmat nhi haari 3 din baad phir dobara Kharota aur Indrunaag Temple visit kiya aur dobara videos shoot kiye. In videos main 1-2 shot shaking wale videos ke bhi hain. Ye incidence mujhe hamesha yaad rahega. Aapko ye funny incidence kaisa lga jaroor batein. Aise hi majedar stories ke liye Himachal Darshan ke blog study karein. Agar aapne ye video nhi dekhe hai too main niche unka link de dunga. Next blog tak alvida dosta.

Kharota 1 :-  https://youtu.be/A1rl7faP70Y

Kharota 2 :-  https://youtu.be/xqJf9TzRtk8

Indrunaag Temple :- https://youtu.be/MLtOndUlvnc

Leave a Reply

Your email address will not be published. Required fields are marked *